Ավետ Բարսեղյան

Ավետ Բարսեղյանը ծնվել է 1980 թվականի հուլիսի 23-ին Երևանում։ Ավարտել է Խաչատուր Աբովյանի անվան հայկական պետական մանկավարժական համալսարանի պատմության և իրավագիտության ֆակուլտետը, այնուհետև ուսումը շարունակել է Հայաստանի երգի պետական թատրոնին կից դպրոց-ստուդիայի հաղորդավարական բաժնում։ Նրա պրոֆեսիոնալ գործունեությունը մեդիա դաշտում սկսվել է 2001 թվականից և արագորեն վերելք ապրել։

Տարիների ընթացքում Ավետ Բարսեղյանը դարձել է հայկական եթերի խորհրդանիշերից մեկը՝ հեղինակելով և վարելով այնպիսի հանրահայտ հաղորդումներ ու մեգանախագծեր, ինչպիսիք են «Ով է ուզում դառնալ միլիոնատեր», «Հայ սուպերսթար», «Բենեֆիս», «Գուշակիր մեղեդին» և շատ ուրիշներ։ Նրա բարձր պրոֆեսիոնալիզմը, սրամտությունն ու խոսքի վարպետությունը նրան բերել են «Տարվա ռադիոհաղորդավար» և «Տարվա հեռուստահաղորդավար» մրցանակները։

Բացի հաղորդավարական աշխատանքից, նա մեծ ճանաչում ունի որպես երգահան և բանաստեղծ։ Նրա հեղինակած բանաստեղծությունների և երգերի տեքստերի հիման վրա ստեղծվել են հիթեր, որոնք հնչում են ամենատարբեր բեմերից։ 2024 թվականից հանդիսանում է Հայաստանի ազգային երաժշտական ակադեմիայի խորհրդի անդամ՝ շարունակելով իր ակտիվ նպաստը բերել հայ մշակույթի և երաժշտարվեստի զարգացմանը։