Անդրե (Անդրեյ Հովնանյան)

Անդրեն (իսկական անունը՝ Անդրեյ Հովնանյան) ծնվել է 1979 թվականի հուլիսի 8-ին Արցախի Ստեփանակերտ քաղաքում։ Նրա մանկությունն ու պատանեկությունը համընկել են Արցախյան ազատամարտի տարիներին, ինչի պատճառով երաժշտական դպրոցի դասերը հաճախ ընդհատվում էին ռմբակոծությունների պատճառով, և նա ստիպված էր լինում երգել մոմի լույսի ներքո։ 15 տարեկանում նա հաղթել է «Ճանապարհ դեպի Վերածնունդ» մրցույթում, որից հետո դարձել է «Ղարաբաղ» փոփ-ջազային խմբի մեներգիչը։

Ավելի ուշ տեղափոխվելով Երևան՝ Անդրեն 1998-2002 թվականներին եղել է Հայաստանի երգի պետական թատրոնի առաջատար կատարողներից մեկը։ Նա ավարտել է Երևանի Կոմիտասի անվան պետական կոնսերվատորիայի ջազային վոկալի մագիստրատուրան և ասպիրանտուրան։ Իր երաժշտական գործունեության ընթացքում երգիչը թողարկել է բազմաթիվ հաջողված ալբոմներ, նկարահանել տասնյակ տեսահոլովակներ և ունեցել ավելի քան 50 մենահամերգ աշխարհի տարբեր երկրներում՝ արժանանալով հանդիսատեսի մեծ սիրուն ու բազմաթիվ հեղինակավոր մրցանակների։"