Դետոքս սնունդ․ ինչպես մաքրել օրգանիզմը և վերականգնել էներգիան

Վերջին տարիներին դետոքս սնունդը դարձել է առողջ ապրելակերպի կարևոր մաս։ Այն օգնում է ոչ միայն նվազեցնել քաշը, այլև վերականգնել օրգանիզմի բնական հավասարակշռությունը։ Ճիշտ ընտրված սննդակարգը խթանում է մարսողությունը, օգնում հեռացնել ավելորդ հեղուկը և բարելավում ընդհանուր ինքնազգացողությունը։

Դետոքս սնունդը թույլ է տալիս օրգանիզմին «հանգստանալ» ծանր և վնասակար սննդից՝ նպաստելով մաշկի, մազերի և եղունգների վիճակի բարելավմանը։

Նշաններ, որ օրգանիզմը մաքրման կարիք ունի

• Մշտական կամ հաճախակի փորկապություն, գազեր, սրտխառնոց

• Չանցնող հոգնածություն նույնիսկ քնելուց հետո

• Հաճախակի գլխացավեր

• Տրամադրության կտրուկ փոփոխություններ

• Մաշկի բորբոքումներ

• Արագ սննդի նկատմամբ ուժեղ ցանկություն

• Անհանգիստ կամ վատ քուն

• Փքվածություն

• Ավելորդ քաշ

• Իրանի շրջագծի մեծացում (կանանց մոտ՝ 80 սմ-ից բարձր, տղամարդկանց մոտ՝ 90 սմ-ից բարձր)

Դետոքսի լավագույն սննդամթերքները

Խնձոր

Խնձորը հարուստ է պեկտինով, որը նպաստում է աղիների մաքրմանը։ Այն բարելավում է մարսողությունը և կարգավորում նյութափոխանակությունը։

Ձմերուկ

Ձմերուկը հիանալի խոնավեցնող է։ Այն օգնում է վերականգնել ջրի հավասարակշռությունը, նվազեցնում է այտուցը և ունի միզամուղ ազդեցություն։

Կիվի

Կիվին հարուստ է վիտամիններով, պաշտպանում է բջիջները վնասումից և նպաստում է մաշկի երիտասարդ տեսքին։

Վարունգ

Վարունգը նպաստում է լյարդի մաքրմանը, հեռացնում է ավելորդ հեղուկը և հաղորդում է մաշկին թարմ տեսք։

Ցիտրուսներ

Ցիտրուսները հարուստ են վիտամիններով, բարձրացնում են օրգանիզմի դիմադրողականությունը և նպաստում են էներգիայի ավելացմանը։

Թուրինջ

Թուրինջը պարունակում է հակաօքսիդիչներ, օգնում է իջեցնել խոլեստերինը և աջակցում է քաշի նվազեցմանը։

Անանուխ

Անանուխը հանգստացնում է, նվազեցնում է փքվածությունը և բարելավում է քունը։

Կոճապղպեղ

Կոճապղպեղը արագացնում է նյութափոխանակությունը և օգնում է պայքարել վարակների դեմ։

Դարչին

Դարչինը նվազեցնում է քաղցրի նկատմամբ ցանկությունը և օգնում է վերահսկել արյան շաքարի մակարդակը։

Կանաչ թեյ

Կանաչ թեյը նպաստում է օրգանիզմի մաքրմանը, արագացնում է նյութափոխանակությունը և օգնում է նվազեցնել ախորժակը։

Դետոքս սնունդը կարող է դառնալ Ձեր առողջ ապրելակերպի կարևոր բաղադրիչ։ Սակայն կարևոր է հիշել, որ այն պետք է լինի հավասարակշռված և չվերածվի ծայրահեղ սահմանափակման։ Լավագույն արդյունքը ստացվում է, երբ առողջ սնունդը համադրվում է շարժման և բավարար քնի հետ։